Gyda phwy ddylech chi godi pryder

Codi pryder gyda chyflogwr nyrs, bydwraig neu gydymaith nyrsio

Yn y rhan fwyaf o achosion, y peth gorau yw dechrau gan godi eich pryder â gweithle’r nyrs, y fydwraig neu’r cydymaith nyrsio, a byddwn fel rheol yn argymhell gwneud hyn cyn dod aton ni.

Mae cyflogwr fel rheol yn y lle gorau i ddatrys problemau’n gyflym ac yn deg.

Gallant wedyn benderfynu atgyfeirio rhywun aton ni unwaith y maen nhw wedi ymchwilio i’ch problem eu hunain. Gellir defnyddio’r holl wybodaeth maen nhw’n ei chasglu yn ystod ymchwiliad mewnol gan ein hymchwiliadau ni a chyflymu’r broses yn gyffredinol.

Os nad ydych chi wedi codi’ch pryder yn lleol â chyflogwr y nyrs, y fydwraig neu’r cydymaith nyrsio, efallai bydd ein tîm sgrinio yn siarad am hyn â chi.

Canfod mwy am sut i gwyno i’r GIG

Canfod mwy am Wasanaethau Cyngor a Chyswllt Cleifion (PALs) yn eich ardal chi 

Mae nifer o sefydliadau a all eich cefnogi chi pan fyddwch yn codi pryderon â’r GIG fel Healthwatch neu Wasanaeth eiriolaeth cwynion y GIG.

Os ydych am godi pryder am wasanaeth iechyd a gofal cymdeithasol yn lle unigolyn, cysylltwch â’r Comisiwn Ansawdd Gofal (CQC). Gall Cymdeithas y Cleifion hefyd eich helpu codi pryder â’r CQC.

Llinell gymorth atgyfeiriadau

Unwaith rydych chi wedi penderfynu mai ni yw’r sefydliad iawn i godi eich pryder ag ef, ffoniwch ein llinell gymorth atgyfeiriadau. Mae yno ar gyfer unrhyw aelod o’r cyhoedd sy’n ystyried codi pryder am nyrs, bydwraig neu gydymaith nyrsio. Gallwn ni egluro mwy am bwy ydyn ni, sut gallwn ni eich helpu chi ac yn fwyaf pwysig, pa gymorth gallwn ni ei gynnig i chi.

Ffoniwch ni ar 020 3307 6802. Bydd rhai galwadau’n cael eu recordio i helpu ni hyfforddi cydweithwyr a monitro ansawdd y cymorth rydym ni’n ei roi. Gallwn ddefnyddio’r recordiad i wirio manylion am atgyfeiriadau a chwynion addasrwydd i ymarfer. Mae mwy o wybodaeth yn ein hysbysiad preifatrwydd.

Nid ydyn ni’n cyhoeddi unrhyw un o’r pryderon sy’n cael eu codi gyda ni, er bod rhaid i ni rannu rhywfaint o’r manylion yn ein pryder ag eraill, fel cyflogwyr er mwyn casglu’r dystiolaeth iawn.

Os nad yw eich pryder am nyrs, bydwraig neu gydymaith nyrsio, cewch restr o reoleiddwyr all eich helpu chi isod.

Rhannu eich gwybodaeth â ni

Rydn ni’n annog pawb sy’n codi pryder gyda ni i roi eu manylion cyswllt i ni. Mae rhannu eich gwybodaeth â ni yn bwysig gan ei fod yn golygu ein bod yn fwy tebygol o allu ymchwilio eich pryder.

Yn y mwyafrif o achosion, ar ôl i chi godi pryder, bydd angen i ni gysylltu â chi i ganfod mwy o wybodaeth, gwneud yn siŵr bod gynnon ni’r holl ddogfennaeth gallwn ni ei fod ei hangen ac i egluro’r broses i chi.

I wneud hyn, mae angen ffordd arnon ni i gysylltu â chi. Mae bod â’ch manylion cyswllt hefyd yn caniatáu i ni eich diweddaru o’n proses a gadael i chi wybod y canlyniad.

Gallwch adael ein tîm sgrinio wybod yr hoffech chi barhau’n anhysbys trwy gydol y broses er eich bod wedi rhoi eich manylion i ni. Byddan nhw’n gwneud popeth posibl i fodloni hyn, ond ni allwn bob tro warantu y bydd yn bosibl, er enghraifft os bydd angen i chi fynychu gwrandawiad.

Os ydych chi’n dewis cyflwyno pryder i ni heb rannu’ch manylion, ni allwn ni gysylltu â chi a gall hyn olygu weithiau na allwn fynd â’ch pryder yn ei flaen.

Mae hyn yn golygu ei bod yn llawer mwy anodd i ni eich helpu chi, gweithredu ar y pryderon rydych chi wedi’u codi gyda ni neu adael i chi wybod canlyniad unrhyw ymchwiliad y gallwn ni ei wneud.

Rhannu eich atgyfeiriad

Er mwyn ymchwilio i’ch pryder yn iawn, ar rai adegau bydd angen i ni ddatgelu rhywfaint o’r wybodaeth rydych chi wedi’i rhannu.

Rydym ni’n aml angen rhannu manylion y pryder â’r nyrs, y fydwraig neu’r cydymaith nyrsio a’u cyflogwr, gan ein bod ni angen casglu tystiolaeth a fydd o gymorth heb unrhyw ymchwilio.

Codi pryder