Rydym yn deall, os ydych yn ystyried codi pryder gyda ni, eich bod wedi bod ac efallai yn dal i fynd trwy gyfnod anodd.

Mae ffonio ein llinell gymorth atgyfeirio yn gam cyntaf pwysig os ydych chi’n ystyried codi pryder gyda ni am rywun ar ein cofrestr.

Gall ein tîm ymroddedig esbonio mwy ynghylch ai ni yw’r lle iawn i ddod, beth i’w ddisgwyl o’r broses addasrwydd i ymarfer, a pha gymorth y gallwn ei gynnig i chi.

Rydym yn ymchwilio i bryderon ynghylch gweithwyr proffesiynol cofrestredig i benderfynu a yw eu sgiliau, eu gwybodaeth, eu haddysg neu eu hymddygiad yn disgyn islaw'r safonau sydd eu hangen i ddarparu gofal diogel, effeithiol a charedig.

Rydym yn gweithredu pan ydym yn credu bod rhywun ar ein cofrestr yn peri risg i'r cyhoedd neu fod yr hyn y maent wedi'i wneud mor ddifrifol y byddai'n niweidio ymddiriedaeth a hyder y cyhoedd yn y proffesiynau nyrsio neu fydwreigiaeth.

Rydym yn deall, os ydych yn ystyried codi pryder gyda ni, eich bod wedi bod trwy, ac efallai yn dal i fynd trwy gyfnod anodd.

Mae ein llinell gymorth atgyfeirio newydd yn bodoli fel cam cyntaf pwysig os ydych yn ystyried codi pryder gyda ni am nyrs, bydwraig neu gydymaith nyrsio. Gallwn helpu i egluro mwy am bwy ydym ni, ai ni yw’r lle iawn i ddod, sut y gallwn eich helpu ac yn bwysicaf oll, pa gymorth y gallwn ei gynnig i chi.

Trwy gysylltu â ni, gallwn eich helpu i ddeall sut i atgyfeirio nyrs, bydwraig neu gydymaith nyrsio. Yna, os gwnewch atgyfeiriad, gallwn ddeall yn well beth yn union yw eich pryder ac ymchwilio iddo’n briodol.

Dim ond pryderon am bobl ar ein cofrestr (nyrsys a bydwragedd yn y DU, a chymdeithion nyrsio yn Lloegr) y gallwn ymchwilio iddynt. Efallai y bydd rheoleiddwyr eraill yn gallu helpu os yw eich pryder yn ymwneud â gweithiwr iechyd neu ofal proffesiynol arall a reoleiddir.

Nid yw cynorthwywyr gofal iechyd (HCAs) yn cael eu rheoleiddio yn y DU. Os oes gennych gŵyn am gynorthwyydd gofal iechyd, dylech godi’ch pryder gyda'r sefydliad y mae'r cynorthwyydd gofal iechyd yn gweithio iddo.

A ydych chi eisoes wedi codi’ch pryder gyda’r sefydliad dan sylw? Fel arfer dyma'r ffordd gyflymaf a hawsaf i ddatrys problem.

Ni allwn ymchwilio i bryderon am sefydliadau, dim ond nyrsys, bydwragedd a chymdeithion nyrsio unigol. Os yw eich pryder yn ymwneud â rhedeg sefydliad a’ch bod yn poeni y gallai’r gofal a ddarperir gan y sefydliad fod yn risg i eraill, dylech ystyried cysylltu ag un o’r rheoleiddwyr canlynol.

Mae mwyafrif helaeth y rhai sydd yn defnyddio'r GIG, yn gweithio ynddo, neu'n rhyngweithio ag ef yn onest. Ond mae lleiafrif bychan yn cyflawni twyll yn erbyn y GIG. Gallai hynny gynnwys nyrs, bydwraig neu gydymaith nyrsio.

Mae sefydliadau annibynnol yn gyfrifol am ymchwilio i dwyll a throseddau economaidd eraill. Nhw yw’r bobl iawn i siarad â nhw os dewch chi’n ymwybodol o dwyll yn erbyn y GIG.

Os ydynt yn canfod bod rhywun ar ein cofrestr yn gysylltiedig, byddant yn rhannu gwybodaeth â ni fel y rheoleiddiwr proffesiynol.

Os ydych chi eisiau ad-daliad, iawndal neu os oes gennych broblem defnyddiwr arall mae’n well siarad â’r lle y cawsoch eich trin yn uniongyrchol gan nad yw hynny’n rhywbeth y gallwn ni helpu ag ef.

Gall sefydliadau megis Cyngor ar Bopeth helpu os oes angen mwy o gymorth arnoch gyda phroblem defnyddiwr.

Rydym yn argymell yn gryf eich bod yn siarad â man gwaith neu gyflogwr y nyrs, y fydwraig neu’r cydymaith nyrsio cyn i chi godi’ch pryder gyda ni.

Fel arfer cyflogwr sydd yn y sefyllfa orau i ddatrys materion yn gyflym ac yn deg. Gallant roi esboniad manwl i chi o'r hyn a ddigwyddodd ac ymddiheuriad os yw'n briodol. Ni allwn ddarparu'r naill na'r llall o'r pethau hyn i chi.

Efallai y byddant wedyn yn penderfynu atgyfeirio rhywun atom ar ôl iddynt ymchwilio i'ch pryder eu hunain. Yna gellir defnyddio'r holl wybodaeth a gesglir ganddynt yn ystod ymchwiliad mewnol yn ein hymchwiliadau ein hunain a chyflymu'r broses yn gyffredinol.

Os nad ydych yn cytuno ag ymateb y cyflogwr gallwch gwyno i’r Ombwdsmon.

Mae rhai elusennau a sefydliadau eraill yn bodoli i'ch helpu i godi pryder gyda sefydliad iechyd neu ofal. Rydym wedi rhestru rhai ohonynt isod.

Os oes angen help arnoch i gwblhau'r ffurflen ffoniwch ein Llinell Gymorth Atgyfeirio ar 020 3307 6802.

Mae'r ffurflen fel arfer yn cymryd oddeutu 30 munud i'w chwblhau.

Beth fydd ei angen arnoch cyn llenwi’r ffurflen hon

• cyfeiriad e-bost
• enw'r person (neu'r bobl) rydych yn mynegi pryder yn ei gylch
• os yn bosibl, eu rhif adnabod personol (cyfeirir ato weithiau fel eu rhif cofrestru).
• Mae hwn yn rif adnabod unigryw rydym yn ei roi i bob person ar ein cofrestr, er enghraifft 11A400AA
• disgrifiad o'r hyn a ddigwyddodd (gan gynnwys ble, dyddiadau ac amseroedd)
• manylion yr hyn rydych eisoes wedi'i godi gyda'u gweithle
• manylion unrhyw bobl eraill a welodd beth ddigwyddodd.

Gwybodaeth y gallech fod am ei lanlwytho

Byddwch yn gallu uwchlwytho gwybodaeth pan fyddwch yn llenwi'r ffurflen hon. Gallai hyn gynnwys:

• copïau o gofnodion meddygol a allai fod yn berthnasol
• negeseuon e-bost neu lythyrau am eich pryder rydych wedi'u hanfon i weithle'r gweithiwr proffesiynol ac unrhyw atebion a gawsoch.

Rydym yn deall, os ydych yn ystyried codi pryder gyda ni, eich bod wedi bod trwy, ac efallai yn dal i fynd trwy gyfnod anodd.

Mae ein llinell gymorth atgyfeirio newydd yn bodoli fel cam cyntaf pwysig os ydych yn ystyried codi pryder gyda ni am nyrs, bydwraig neu gydymaith nyrsio. Gallwn helpu i egluro rhagor am bwy ydym ni, ai ni yw'r lle iawn i ddod, sut y gallwn eich helpu ac yn bwysicaf oll, pa gymorth y gallwn ei gynnig i chi.

Trwy gysylltu â ni, gallwn eich helpu i ddeall sut i atgyfeirio nyrs, bydwraig neu gydymaith nyrsio. Yna, os gwnewch atgyfeiriad, gallwn ddeall yn well beth yn union yw eich pryder ac ymchwilio iddo’n briodol.

Mae nyrs iechyd y cyhoedd cymunedol arbenigol yn cynnwys ymwelwyr iechyd, nyrsys ysgol, nyrsys iechyd galwedigaethol a nyrsys iechyd teulu.

Dim ond pryderon am bobl ar ein cofrestr (nyrsys a bydwragedd yn y DU, a chymdeithion nyrsio yn Lloegr) y gallwn ymchwilio iddynt. Efallai y bydd rheoleiddwyr eraill yn gallu helpu os yw eich pryder yn ymwneud â gweithiwr iechyd neu ofal proffesiynol arall a reoleiddir.

Nid yw cynorthwywyr gofal iechyd (HCAs) yn cael eu rheoleiddio yn y DU. Os oes gennych gŵyn am gynorthwyydd gofal iechyd, dylech godi’ch pryder gyda'r sefydliad y mae'r cynorthwyydd gofal iechyd yn gweithio iddo.

Fel arfer bydd angen i ni gysylltu â chi i ofyn am ragor o wybodaeth am y pryder a godwyd gennych.

Rydym yn defnyddio’ch manylion cyswllt i roi'r wybodaeth ddiweddaraf i chi am ein cynnydd, ond nid ydym byth yn rhannu’ch manylion cyswllt ag unrhyw un arall.

Wrth ddefnyddio’ch gwybodaeth, byddwn yn dilyn ein hysbysiad preifatrwydd a’n canllawiau ar drin gwybodaeth ynghylch Addasrwydd i Ymarfer.

Gallwn ystyried atgyfeiriadau dienw (lle nad ydych yn rhoi’ch enw i ni), ond bydd hyn yn ei gwneud yn anoddach i ni gael y wybodaeth sydd ei hangen arnom. Os na allwn gael gwybodaeth i gefnogi’r pryder, byddwn yn cau’r atgyfeiriad heb gymryd unrhyw gamau pellach.

Hygyrchedd a chymorth

Ar ôl i chi rannu’ch pryder gyda ni, efallai y byddwn yn gofyn i chi am ragor o wybodaeth yn ysgrifenedig, i drafod eich profiad gydag aelod o'n tîm neu i dderbyn gwybodaeth ysgrifenedig gennym ni.

Rhowch wybod i ni os oes gennych anabledd neu gyflwr iechyd a bod angen unrhyw addasiadau arnoch. Gallai hyn gynnwys derbyn ein gwybodaeth mewn fformat arall (er enghraifft, print bras neu sain).

Rydym yn gwybod y gall ein prosesau fod yn anodd i rai pobl, felly rhowch wybod i ni os ydych yn credu y byddech yn elwa o unrhyw gymorth ychwanegol. Er enghraifft, efallai y bydd rhai pobl am i ni gysylltu â nhw dros y ffôn yn hytrach nag e-bost, neu gael rhywun i’w helpu drwy’r broses, megis eiriolwr cymorth.

A oes gennych unrhyw ddogfennau yr hoffech eu lanlwytho?

Er enghraifft, byddwn fel arfer yn gofyn am gael gweld eich llythyr cwyn ac unrhyw atebion gan y gall y rhain ein helpu i ddeall y problemau. Os ydych yn eu lanlwytho nawr, gall helpu i gyflymu ein hymholiadau.

Os ydych yn mynegi pryder am rywun arall, megis ffrind neu aelod o’r teulu nad ydych yn rhiant neu’n ofalwr llawn amser iddynt, rhowch wybod i ni. Byddwn yn cysylltu â nhw ac yn gwneud yn siŵr eu bod yn hapus i chi weithredu ar eu rhan.

Dewiswch ‘na’ os ydych yn gweithredu drosoch eich hun, neu os ydych yn gweithredu ar ran rhywun rydych yn gofalu amdano, megis eich plentyn.

Hygyrchedd

Rydym wedi ymrwymo i sicrhau bod ein prosesau’n hygyrch i bawb.

Os oes gan y person rydych yn gweithredu ar ei ran anabledd neu anaf, dywedwch wrthym os oes angen unrhyw addasiadau arnynt.

Gallai hyn gynnwys derbyn ein gwybodaeth mewn fformat arall (er enghraifft, print bras neu sain).

Dyma lle rydym angen i chi ddarparu gwybodaeth ynghylch am bwy mae eich pryder.

Os yw eich pryder yn ymwneud â mwy nag un nyrs, bydwraig neu gydymaith nyrsio, gallwch ychwanegu eu manylion isod. Bydd angen i chi ddarparu cymaint o wybodaeth â phosibl am bob person fel y gallwn eu hadnabod ar ein cofrestr.

Os yw eich pryder yn ymwneud â gweithwyr proffesiynol lluosog, rydym yn argymell yn gryf eich bod yn siarad â'u gweithle neu gyflogwr yn gyntaf. Fel arfer cyflogwr sydd yn y sefyllfa orau i ddatrys materion yn gyflym ac yn deg. Efallai y byddant yn penderfynu atgyfeirio rhywun atom ar ôl iddynt ymchwilio i’ch pryder eu hunain. Yna gellir defnyddio'r holl wybodaeth y maent yn ei chasglu yn ystod ymchwiliad mewnol, gan gynnwys yr hyn a ddigwyddodd a phwy oedd yn gysylltiedig, yn ein hymchwiliadau ein hunain a chyflymu'r broses yn gyffredinol.

Rhowch leoliad y digwyddiad sydd wedi arwain at eich pryder. (Os digwyddodd y digwyddiad ar-lein, gallwch nodi enw’r platfform y digwyddodd arno – er enghraifft Twitter, neu dros e-bost.)

Beth ddigwyddodd?

Darparwch wybodaeth gyflawn a chywir fel y gallwn ymchwilio i'ch pryder.

Mewn rhai achosion efallai y bu un digwyddiad mawr, ond mewn eraill efallai y bu cyfres o ddigwyddiadau llai dros amser. Mae sicrhau bod y wybodaeth a roddwch yn fanwl ac yn berthnasol yn golygu y gallwn weithredu ac ymateb yn gyflym.

Disgrifiwch:

• Y digwyddiad neu ddigwyddiadau yn fanwl
• Ble digwyddodd y digwyddiad neu ddigwyddiadau
• Dyddiad y digwyddiad neu'r digwyddiadau
• A oedd unrhyw beth anarferol yn digwydd ar y pryd.

A oes gennych unrhyw ffeiliau i'w lanlwytho?

Atodwch unrhyw un o’r dogfennau canlynol i’n helpu i ddeall beth ddigwyddodd:

• Unrhyw luniau o'r digwyddiad
• Cofnodion meddygol perthnasol
• Copïau o bryderon a godwyd gennych ac unrhyw atebion a gawsoch

Gwnewch yn siŵr eich bod wedi dileu unrhyw amddiffyniad cyfrinair pan ydych yn lanlwytho'r ffeiliau.

A oes gennych unrhyw ddogfennau yr hoffech eu lanlwytho?

Er enghraifft, byddwn fel arfer yn gofyn am gael gweld beth rydych wedi’i ddweud wrth sefydliadau eraill ac unrhyw atebion y gallech fod wedi’u cael. Gall y rhain ein helpu i ddeall y problemau. Os ydych yn eu lanlwytho nawr, gall helpu i gyflymu ein hymholiadau.

Sylwch: dim ond y mathau canlynol o ffeiliau y gallwch eu lanlwytho - pdf, doc, docx, jpg a jpeg.

Mae terfyn o 10MB i bob ffeil. Bydd angen i chi lanlwytho'ch holl ffeiliau ar yr un pryd, os ydych yn lanlwytho'r ffeil anghywir gallwch ei dileu a'i lanlwytho eto.

Bydd dweud wrthym am unrhyw un arall a oedd yno yn ein helpu i ymchwilio i'r hyn a ddigwyddodd. Efallai y byddwn yn cysylltu â’r tystion heb ddweud wrthych yn gyntaf.

Os yw eich pryderon yn ymwneud â gofal a gawsoch, efallai y bydd angen i ni ofyn am eich cofnodion meddygol fel rhan o’n hymchwiliad. Gall hyn ein helpu i ystyried yn llawn y pryderon am y gofal a gawsoch.

Nid ydym byth yn rhannu’r cofnodion hyn y tu allan i’n hymchwiliad, ond bydd angen i ni rannu’ch cofnodion gyda’r nyrs, y fydwraig neu’r cydymaith nyrsio ac unrhyw gynrychiolydd sy’n gweithredu ar eu rhan. Pan ydym yn defnyddio’ch gwybodaeth, byddwn yn dilyn ein hysbysiad preifatrwydd a’n canllawiau ar drin gwybodaeth Addasrwydd i Ymarfer.

Os na fyddwch yn rhoi’ch caniatâd i ni weld eich cofnodion meddygol a’u bod yn berthnasol i’ch pryder, gall fod yn anodd i ni ddeall beth sydd wedi neu sydd heb ddigwydd a gallai olygu na fyddwn yn gallu ymchwilio i’ch pryder.

Drwy gytuno, rydych yn rhoi’ch caniatâd i ni rannu’r wybodaeth rydych wedi’i chynnwys yn y ffurflen hon. Mae hynny’n cynnwys pwy ydych chi, eich pryder, eich cofnodion meddygol os yw’n briodol, ac unrhyw wybodaeth arall a roddwch i ni yn ystod ein hymchwiliadau.

Byddwn yn rhannu’r wybodaeth hon gyda:

• y gweithiwr proffesiynol neu'r gweithwyr proffesiynol rydych wedi codi pryder yn ei gylch
• eu cyflogwr, ac
• unrhyw barti perthnasol arall a nodir gennym.

Byddwn yn defnyddio’ch gwybodaeth yn unol â’n hysbysiad preifatrwydd a’n canllawiau trin gwybodaeth addasrwydd i ymarfer.

Gallwch godi pryder heb roi caniatâd i ni rannu gwybodaeth.

Ond os nad ydych yn cytuno i ni rannu’ch gwybodaeth yna mae’n bosibl na fyddwn yn gallu ymchwilio ymhellach. Mae hyn oherwydd y byddwn bob amser yn rhoi cyfle i’r nyrs, y fydwraig neu’r cydymaith nyrsio weld manylion y pryderon a godwyd amdanynt ac unrhyw dystiolaeth. Ni allwn wneud hyn os nad ydych yn cytuno i rannu’ch enw a’r wybodaeth rydych wedi’i rhoi i ni. Os na allwn ddod o hyd i dystiolaeth i gefnogi’r pryderon, byddwn yn cau’r atgyfeiriad heb gymryd camau pellach.

Mewn rhai achosion, os ydym yn credu y gallai’r cyhoedd fod mewn perygl oherwydd y wybodaeth rydych wedi’i rhoi i ni, bydd angen i ni rannu’r wybodaeth yn eich atgyfeiriad gyda’r partïon perthnasol. Byddwn yn esbonio hyn i chi os ydym yn credu efallai y bydd angen i ni wneud hyn.